Դիջիթեք 2023-ի շրջանակներում այս տարի ևս անցկացրեցինք քարտեզագրության դասընթացներ։ Այս տարի պիտի աշխատեինք ոչ միայն կրտսեր դպրոցների, այլև` Միջին դպրոցի ու Քոլեջի 1-ին կուրսի ուսանողների հետ։
Այսօր դիջիթեքյան դասընթացների վերջին օրն էր, որը ամփոփեցինք Քոլեջում` 1-ին կուրսի ուսանողների հետ։ Քանի որ այսօր վերջին օրն էր, այսօր ամփոփեցինք ուսանողների քարտեզագրման գիտելիքները, ծրագրերի նրանց իմացությունը, ինչպես նաև նրանց կողմից կատարված մի քանի գործնական աշխատանք։ Քոլեջում պատկերը լրիվ այլ էր. պիտի խոստովանեմ, որ ուսանողների խումբը խառն էր։ Կային նյութերը լավ, հեշտ յուրացնող ուսանողներ, և նաև` տեղեկատվությունը դժվար ընկալող ուսանողներ, որոնց հետ աշխատանքը մի քիչ երկար ու բարդ էր։ Ընդհանուր առմամբ` դժգոհ չենք ստացված արդյունքից։
Օրը սկսեցինք կրթահամալիրի Միջինում։ Միջին դպրոցի սովորողներին ծանոթացրեցինք քարտեզագրման Wikiloc ծրագրին, ինչպես նաև` դրա առավելություններին ու գործիքաշարին։ Սովորողներից մի քանիսը լսել էր ծրագրի մասին, բայց ավելի մանրամասն տեղյակ չէր։ Նրանք որոշակի տեղեկացված էին նաև Google Earth ծրագրին, հասցրել էին իրենց ճամփորդություններին օգտվել ծրագրից։ Կարծում եմ, լավ դասընթաց ունեցանք։
Continue reading “,,Քարտեզագրությունը կարևոր հմտություն,, նախագիծ. դասընթացներ N8”
Օրը սկսեցինք կրթահամալիրի հարավում։ Այսօր սովորողների հետ պիտի սովորեինք քարտեզագրման ծրագրերից` Google Earth Pro ծրագիրը։ Միասին սովորողների համակարգիչների մեջ ներբեռնեցինք ծրագիրը, որից հետո սկսեցինք աշխատել։ Սովորողներին ծանոթացրեցինք Google Earth-ի գործիքաշարի ու դրանք կիրառելու ձևի հետ։ Սովորողները կարողացան հեշտ կիրառել ծրագիրը։ Ծրագիրը ուսուցանեցինք նաև Արևելյան դպրոցում։
Ֆոտոշարքը ստորև`
Շաբաթը սկսեցինք Հարավային դպրոց-պարտեզում` 5-րդ դասարանի սովորողների հետ։ Որից հետո առջևում էր Արևելյան դպրոց-պարտեզը։ Օրվա լուսաբանումը կարող եք տեսնել` այստեղ։
Այսօր մեր հերթական դասընթացն անցկացրեցինք մեր Քոլեջում` 1-ին կուրսի ուսանողների հետ։ Ուսանողների հետ սովորեցինք քարտեզագրման Wikiloc և Google Earth ծրագրերը։ Սովորեցինք, թե ինչպես կարելի է օգտվել այդ ծրագրերից, որ դեպքերում կարող ենք օգտագործել ու կիրառել։ Քննարկեցինք ծրագրերի առավելությունները, նաև` թերությունները։ Ուսանողներին, որպես ամփոփիչ դասի արդյունք, տվեցինք գործնական աշխատանք, որպեսզի նրանք լավ կարողանան զարգացնել ծրագրերի իրենց իմացությունը։
Այսօր մեր հերթական դասընթացն անցկացրեցինք կրթահամալիրի Միջին դպրոցում։ Այսօր ավելի մանրամասն սովորողներին ծանոթացրեցինք քարտեզագրման ու աշխարհագրական ծրագրերին, սովորեցինք կիրառել դրանք ու աշխատեցինք միասին։ Այսօրվա մեր դասընթացը ավելի գործնական եղավ, սովորողները հետաքրքրությամբ աշխատեցին։
Այսօրվանից մեկնարկեցինք քարտեզագրության մեր դասընթացների երկրորդ ուսումնական հունվարյան շաբաթը։ Օրը սկսեցինք Հարավային դպրոց-պարտեզի 4-5-րդ դասարանցիների հետ։
Continue reading “,,Քարտեզագրությունը կարևոր հմտություն,, նախագիծ. դասընթացներ N4”
Այս շաբաթ տրվեց մեր հունվարյան, Դիջիթեքյան դասընթացների մեկնարկը` նորանոր ու հետաքրքիր դասանյութերով, տարբերվող ծրագրերով։ Մշակել էինք նոր ծրագիր, որի բաղադրիչներից է աշխարհագրական ու քարտեզագրման ծրագրերը, դրանց կիրառումը, բջջային հավելվածները, և այլն։
Դասընթացների երրորդ օրը անցկացրեցինք հարազատ Քոլեջում` Քոլեջի առաջին կուրսեցիների հետ։ Խոսեցինք ու քննարկեցինք ճամփորդական ծրագրերը, բջջային քարտեզագրման ու թեմատիկ հավելվածների, ինչպես նաև` քարտեզագրման ու աշխարհագրական առցանց ծրագրերի մասին։ Առաջին կուրսեցիները առաջին անգամ էին ծանոթանում այս բոլոր ծրագրերին, և կարծում եմ, հասցրեցին որոշ չափով յուրացնել։
Ռոզա Խաչատրյանի բլոգ 