Ամանորը Իսպանիայում
Իսպանացիները համարվում են էմոցիոնալ ազգ, այդ իսկ պատճառով նրանք Ամանորը նշում են շատ ավելի զվարճալի և ուրախ, քան մյուս եվրոպական ազգերը:
Ժողովուրդը տանը սեղանի շուրջ չի նստում այդ օրը, այլ դուրս է գալիս փողոց, որտեղ ամենուր դիմակահանդեսներ են, որոնց ժամանակ առատ կոնֆետներ և քաղցրավենիքներ են թափվում վերևից: Ամանորը նշելու ամենահայտնի վայրը համարվում է Պուերտա-դել-Սոլ հրապարակը, որտեղ ժողովուրդը ականատես է լինում շատ շքեղ հրավառության: Քանի որ Իսպանիան խաղողի երկիր է համարվում, այդ իսկ պատճառով մարդիկ միմյանց հյուր գնալիս իրենց հետ պարտադիր վերցնում են մեկ շիշ գինի կամ շամպայն և նուգա կոնֆետ: Նրանք գտնում են, որ խաղողը վանում է ամբողջ տարվա չար ուժերին և բերում է հարստություն: Իսպանացիները մի հետաքրքիր ավանույթ ունեն. Ամանորի գիշերը ժամացույցի զարկերի հետ նրանք պետք է հասցնեն ուտել խաղողի 12 հատիկ, որպեսզի իրականանան նրանց երազանքները:
Ընդունված է միմյանց նվերներ նվիրել հատկապես հունվարի 6- ին: Այդ օրը կոչվում է Երեք թագավորների օր: Բոլոր ապրանքներն այդ օրվա առթիվ երեք անգամ էժանանում են: Իսպանացիները այդ օրը պարտադիր պատրաստում են hատուկ տորթ, որի մեջտեղում դնում են փայլաթիթեղից պատրաստված թագ ՝ որպես այդ օրվա խորհրդանիշ:
Իսպանացիները նույնպես զարդարում են եղևնիներ: Նրանք Ձմեռ պապին անվանում են Օլենտցերո, ով ամենուր գինին ձեռքին ման է գալիս:
Իսպանիայում Ամանորի տոնի ժամանակ ևս մի հետաքրքիր ավանդույթ կա. իսպանական գյուղերում աղջիկներն ու տղաները վիճակահանություն են կազմակերպում. թղթերի վրա գրում են համագյուղացիների անունները: Այսպիսով, տղաներն ընտրում են իրենց ,,հարսնացուներին,, , իսկ աղջիկները ՝ ,,փեսացուներին,,: Ձևավորված զույգերը հայտարարվում են ,,ամուսնացած,, , մինչ Սուրբ Ծննդի ավարտը:
Deseos de ano nuevo en espanol
Que este ano solo haya bondad, paz y abundancia,
Que todos este՛n sanos y felices,
Feliz Ano nuevo y feliz Navidad.
Ամանորյա բարեմաղթանք իսպաներենով
Թող այս տարի լինի միայն բարության, խաղաղության ու առատության տարի,
Թող բոլորը առողջ և երջանիկ լինեն,
Շնորհավոր Ամանոր և Սուրբ Ծնունդ: