Իմ կարծիքը կրթահամալիրի մասին
Ես դեռ շա՜տ շուտվանից եմ կրթահամալիրի անդամ դարձել, շա՜տ շուտվանից եմ սեբաստացի դարձել: Սկզբում հաճախել եմ կրթահամալիրի մանկապարտեզը, դպրոցը, իսկ հիմա արդեն ՝ քոլեջը: Հենց առաջին իսկ օրվանից կրթահամալիրը շա՜տ եմ սիրել ՝ իր դպրոցական ծրագրով, հետաքրքրությամբ ու առանձնահատկությամբ:
Կրթահամալիրը ունենում է շուրջտարյա նախագծեր, բազմաթիվ հետաքրքիր ճամփորդություններ, որոնց մենք մասնակցելով փոխում ենք մեզ, և բացահայտում ենք մեր միջի թաքնված տաղանդը: Կրթահամալիրում ինձ ամեն ինչն է դուր գալիս: Ես կրթահամալիրի հետ կապված յուրաքանչյուր բան մեծ սիրով ու եռանդով եմ անում: Երևի դա նրանից է, որ, իրոք, շա՜տ եմ սիրում կրթահամալիրը: Կրթահամալիրում աշխատող բոլոր ուսուցիչները շատ լավն են: Առաջին անգամ, հենց կրթահամալիրում զգացի ու տեսա, որ բացի ուսուցիչ- աշակերտ հարաբերություններից, երկու կողմի մեջ նաև ընկերություն կա ՝ միմյանց օգնելու հասկացություն:
Ուսուցիչը սովորողին, թե սովորողը ուսուցչին, միևնույնն է, մենք միշտ, սովորելու բան գտնում ենք իրարից: Ամենակարևորը սերն է: Սիրո առկայության դեպքում, ամեն ինչ ինքնըստինքյան կստացվի: Մնում է միայն համբերատար և մի փոքր էլ ներողամիտ լինել: Մեր կրթահամալիրը շա՜տ է տարբերվում մյուսներից: Այստեղ մենք դեռ փոքրուց սովորում ենք ամենակարևոր հատկանիշը ՝ ՄԱՐԴ լինել: Սովորում ենք ինքնուրույն լինել ու տարբերվել մյուսներից ՝ մեր մտորումներով ու ստեղծագործական մտքով: Կրթահամալիրում ստեղծում ենք մեր ուրույն աշխարհը, որտեղ մենք, ամենքս, առանձին ենք, իրարից անջատված: Ձեռք ենք բերում ընկերներ, շրջապատ, սիրելի մարդիկ, ու որ ամենակարևորն է, ձեռք ենք բերում ու բացահայտում ենք ինքներս մեզ, մեր կարողություններն ու ընդունակությունները:
Բացի այդ, կրթահամալիրը մեզ հնարավորություն է տալիս ազատ լինելու, ազատ սովորելու և մեր խոսքը, մեր կարծիքը ազատ արտահայտելու: Այստեղ մենք կարող ենք ազատ և անկախ խոսել նրանից, ինչից որ ուզում ենք, և մեզ դրա համար չեն պատժի կամ նկատողություն չեն անի: Ես մեր կրթահամալիրը շա՜տ եմ սիրում: Այն, միանշանակ, շատ է տարբերվում մյուս դպրոցներից: Առաջին հերթին տարբերվում է նրանով, որ մենք այստեղ լիարժեք ազատ ենք: